Беларуҫ премьер-министрӗ Роман Головченко капсула хывма хутшӑнӗ, унта пӗтӗмӗшле 2 миллиард ытла тенкӗ тӑракан завод туса лартӗҫ

Сентябрӗн 18-мӗшӗнчен пуҫласа 22-мӗшĕччен Уфа Пӗтӗм тӗнчери пӗрремӗш "Транспорт тата строительство" конгресс валли площадка пулĕ, унта цифрӑласси, импорта улӑштарасси, ҫӗнӗ технологисемпе усӑ курасси, антикризиссене хирӗҫле мерӑсем йышӑнасси тата пулӑшу программисене пурнӑҫласси ҫинчен сӳтсе явӗҫ.
Ҫӗршыв-партнер вырăнĕнче Беларуҫ Республики пулĕ. Ҫав кунсенче Пушкӑртстана Беларуҫ премьер-министрӗ Роман Головченко килсе курӗ. Вӑл "Транспорт тата строительство" пленум ларӑвӗнче, "Уфимский" индустри паркӗн территорийӗнче капсула хывас ӗҫе хутшӑнӗ, унта малашне 2 миллиард ытла тенкӗ тӑракан, 250 ӗҫ вырӑнӗ йӗркелекен, тырӑ вырма оборудовани тӑвакан завод туса лартӗҫ.
МИХ социаллă сетьри страницинчен.