Пушкӑртстан Пуҫлӑхӗ 2023-2024 ҫулсенчи суйлав циклне регион территорийӗнче старт панӑ

Паян, сентябрӗн 14-мӗшӗнче, Пушкӑртстан Пуҫлӑхӗ, "Пӗрлӗхлӗ Раҫҫей" регионти уйрӑмӗн ертӳҫи Радий Хабиров 2023-2024 ҫулсенчи суйлав кампанине хатӗрленес енӗпе республикӑри политика канашӗн анлӑ ларӑвне хутшӑннă.
Пушкӑртстан Пуҫлӑхӗ "Пӗрлӗхлӗ Раҫҫей" регионти уйрӑмӗн ӗҫӗн тӗллевӗсене ҫитес ҫулсене палӑртнӑ. Вӑл ҫакна ӑнлантарнă: 2022 ҫулта республикӑра вырӑнти хӑй тытӑмлӑх органӗсен хушма суйлавӗсем иртнĕ. 156 йышӑнакан мандатсенчене "Пӗрлӗхлӗ Раҫҫей" мандачĕсем ытларах - 137. Республика ертӳҫи каланӑ тӑрӑх, ку лайӑх результат.
"Тепӗр ҫул питӗ пĕлтерĕшлĕ пулать. 2023 ҫулта Пушкӑртстанри Патшалӑх Пухӑвне - Курултайне суйлав иртет. Унӑн депутачӗсем паян эффективлă та тухӑҫлӑ ӗҫлеҫҫӗ, - палӑртнă Радий Хабиров. - Пирӗн парламентӑн ҫӗнетнӗ составӗ те ҫавӑн пекех вӑйлӑ пуласса шанатӑп. Унсӑр пуҫне, эпир ял совечӗн 8 пин депутатне суйлăпӑр. 2024 ҫулта вара Раҫҫей Президенчӗн тата Пушкӑртстан Пуҫлӑхӗн суйлавӗ пулмалла. Ку чи пысӑк задача. Ҫак событисене хатӗрленме тата туса ирттерме май килнӗ таран яваплӑ пулмалла".
"МГ" информацийĕпе.