Буздяк районӗнче студентсем хӑй ирӗкӗпе СВО кайнӑ фермер ҫемйине пахча-çимĕçне пухса кӗртме пулӑшнă

Буздяк районӗнче пурӑнакансенчен пӗри, Айдар Г. фермер Минигали Шаймуратов ячӗллӗ батальон йышĕнче ятарлă ҫар операцине хӑй ирӗкӗпе кайнӑ. Уҫӑ ҫӗр ҫинче пахча ҫимӗҫ ҫитӗнтерессипе аппаланакан ҫемьене фермер хуҫалӑхӗн пуҫлӑхӗсӗр ҫӑмӑл мар.
Кӑҫал ҫулла пилӗк гектар ҫинче ҫӗрулми, кӑшман тата кишӗр пуян тухӑҫĕ ӳснӗ. Телее, фермер хуҫалӑхне пулӑшма Буздякри ялхуҫалӑх колледжӗн коллективӗ пынӑ. 22 студентпа преподавательтен тăракан ӗҫ десанчӗ пӗр кун хушшинче лаптăкăн пысӑк пайне пухса кӗртнӗ, ҫӗрулми начар мар тухнă.
"МГ" информацийĕпе.