Ҫитӗнтернӗ пахча-çимĕçе пухса кĕртнĕ

Кӗркунне - илемлӗ вӑхӑт. Вӑл пире нумай тухăç парать, ҫулла ĕçленĕшĕн савӑнтарать.
Пишпÿлекри 2-мĕш вăтам шкулăн 7"а", 7 "б", 10" б " классенче вĕренекенсем класс ертÿçисемпе пӗрле, перчеткесемпе витресем илсе кишӗрпе хĕрлĕ кӑшман пуҫтарма харӑс тухнă. Пӗр-пӗринпе килӗштерсе ӗҫленĕ, ачасем пахча-çимĕçсене пухса кӗртес ĕçе питӗ яваплӑ хутшăннă, пӗрле ӗҫленипе пахча-ҫимӗҫсене пуҫтарса упрама хунă, тутлӑ яшкапа салат валли хӑйсен сехечӗ ҫитессе кӗтчĕр.
Ҫитӗнтернӗ пахча-çимĕçсене шкулти 5-11 класс апачӗсен хакне йӳнетме усӑ курӗҫ.
Сăнÿкерчĕкĕсем: Пишпÿлекри 2-мĕш вăтам шкулăн социаллă сетьри страницинчен.