Пишпÿлекри "Умка" ача садӗнче районти ача сачӗсен заведующийӗсем пухӑннӑ

Сентябрӗн 27-мӗшӗнче хӑйсен професси уявне шкулчченхи вӗренӳ ӗҫченӗсем палӑртнă. Ҫак сӑлтавпа Пишпÿлекри "Умка" ача садӗнче районти ача сачӗсен заведующийӗсем пухӑннӑ. Пишпÿлек район администрацийӗн ячӗпе вӗсене администраци пуҫлӑхӗн социаллӑ ыйтусемпе тата кадрсемпе ӗҫлекен заместителӗ Алексей Данилов саламланă. Вӑл шкулчченхи вӗренӳ ӗҫченӗсен ĕçĕ ҫитӗнекен ӑрӑва воспитани парас енӗпе пысӑк пӗлтерӗшлӗ пулнине палӑртнă, ҫирӗп сывлӑх, мирлӗ тӳпе тата професси ӗҫ-хӗлӗнче ҫитӗнӳсем суннă. Йӑлана кӗнӗ пек ҫак кун район администрацийӗн шкулчченхи вӗренӳ ӗҫченӗсене ҫитӗнекен ӑрӑва воспитани парас ӗҫе пысӑк тӳпе хывнăшăн Хисеп грамотисемпе тав ҫырӑвӗсем панă.
Мероприяти "Умка" ача сачӗн воспитанникӗсен пысӑках мар концерчĕпе вӗҫленнӗ.
Сăнÿкерчĕкĕсем: Пишпÿлек район администрацин социаллă сетьри страницинчен.