Пушкӑртстанра COVID-19па чирлисен шучӗ чакать

Пушкӑртстанра ҫӗнӗ коронавирус инфекцийӗпе чирлекенсен шучӗ майӗпен чакса пырать. Сӑмахран, иртнӗ талӑкра Пушкӑртра 623 ковид-чирлисене регистрациленӗ, сывалса больницаран тухнă - 740 ҫын, пӗлтернӗ регион Сывлӑх сыхлав министерствинче.
"Стационарта халӗ 239 ҫын, вӗсенчен нумайӑшӗ ватӑ ҫынсем. Амбулаторире 4,4 пин ытла пациент пур", - пĕлтернĕ Пушкӑрт Сывлӑх сыхлав министерствинче.
Халӑха COVID-19ран вакцинацилеси: вакцинӑн икӗ компонентне те паянхи куна 3,119 млн ҫынна яхӑн илнӗ.
"Башинформ" информацийĕпе.
Сăнӳкерчӗкĕ: Валерий Шахов.