Пушкӑртстанра федерацин "Авангард" хысна предприятийӗ ӗҫченсене пухать

Аса илтеретпӗр, "Авангарда" Федерацин "Хÿтлĕхпе промышленноҫ комплексне реформӑласси тата аталантарасси" тӗллевлӗ программине кӗртнӗ.
Стерлитамакри "Авангард" федераци хысна предприятийӗ сотрудниксене пухать. Организацин кадрсен пайӗнче производствӑра халӗ мӗнле специальноҫсем кирлӗ пулни ҫинчен каласа панă. Ҫапла ӗнтӗ, кирлӗ: хими производствин аппаратчикӗсем, пулӑшу производствисенче ӗҫлекенсем, инженер-технологсем, фрезеровщиксем, шлифовщиксем, токарьсем тата КИПиА слесарӗсем.
Тӗплӗрех информаципе Стерлитамак халӑхне ӗҫпе тивӗҫтерекен центрта паллашма пулать. Унсӑр пуҫне "Авангард" ятарлӑ кунсем иртет, вӗсем ҫинчен 8-3473-25-01-41 телефонпа пӗлме пулать.
"Авангард" планӗсенче - Раҫҫей Оборона министерствин нушисем валли заказсен калӑпӑшне ӳстерни ҫеҫ мар, граждан продукцийӗ сферинче конкурентлӑ ҫӗнӗ продуктсем туса хатӗрлесси те.
"МГ" информацийĕпе.