Пӗтӗм Раҫҫейри "2022 ҫулхи маршрут" турист премийӗн финалӗ Пушкӑртстанра пулӗ

Мероприяти "Туризмпа тараватлӑх индустрийĕ" наци проекчӗн шайӗнче иртет.
Пушкӑртстанри этнотуризм енӗпе Пӗтӗм Тӗнчери II форум шайӗнче Пӗтӗм Раҫҫейри "2022 ҫулхи маршрут" туристсен премийӗн пӗтӗмӗшле финалӗ пулӗ. Мероприяти октябрӗн 31-мӗшӗнчен пуҫласа ноябрӗн 2-мӗшӗччен иртĕ, унта Пушкӑртстанран 38 проект хутшӑнӗ.
Республикӑри предпринимательлӗх тата туризм министрӗ Рустем Афзалов шутланӑ тӑрӑх, Пушкӑртстан - Раҫҫейри чи илемлӗ регионсенчен пӗри, ҫул ҫӳреме тата туриндустрин пур енӗпе те активлӑн аталанса пыма майсем пур, ҫавӑнпа та ҫак пысӑк мероприятие республикӑра ирттерни тӗп-тӗрӗс.
- Хамӑр патра хӑнасене хаваспах йышӑнӑпӑр, кӗтнине тӳрре кӑларма тӑрӑшӑпӑр, – тенӗ ведомство ертӳҫи.
Мероприяти программинче - ҫавра сӗтелсем, пленум сессисем, секци ларӑвӗсем, выставкăсем.
"МГ" информацийĕпе.