Кӗркунне ачасем патне хӑнана килнĕ

Пишпÿлекри "Журавушка" ача садӗнчи аслӑ ушкӑнсенче вӗренекенсен кӗрхи йӑпану иртнӗ. 🍂🍁
Ачасем патне хӑна килнӗ - ҫав тери илемлӗ Кӗркунне.
Пӗрле вӗсем "Кӳлленчӗксене чупса тух", "Кам хӑвӑртрах ҫӗрулми пуҫтарӗ"," Хӑвӑн ҫимӗҫне туп" вӑйӑсем вылянă. Ачасем хӑнана витӗмлӗн сӑвӑсем каласа кӑтартнă, кӗрхи паллӑсем ҫинчен юрӑсем юрланă, сатур ташӑсем ташланă.
Ҫавӑн пекех ачасем "Пахчаҫимӗҫ тавлашӑвӗ" сценка хатӗрленĕ. Ыхра, пӑрҫа, кӑшман, купӑста, хӑяр, редиска, кишӗр, помидор, сухан, ҫӗрулми тата баклажан тавлашаҫҫӗ : "çак пахчаҫимӗҫсенчен кам усӑллӑрах?" Паллах, пур пахчаҫимӗҫ те усӑллине пурте пӗлеҫҫӗ!
Уяв вӗҫленнӗ тӗле Кӗркунне ачасене хӑналама пылак та питӗ усӑллӑ грушӑсем парнеленӗ.
Сăнÿкерчĕкĕсем: Пишпÿлекри "Журавушка" ача сачĕн социаллă сетьри страницинчен.