Районти чăвашсен Канашĕ иртнĕ

Октябрӗн 27-мӗшӗнче Пишпÿлекри чӑвашсен районти Канашӗн съезчӗ иртнӗ. Мероприятие район администраци пуҫлӑхӗ Артур Зарипов хутшӑннă. Унпа пӗрле съезд делегачӗсем наци пӗрлешӗвӗн кулленхи ӗҫĕсене, хумхантаракан ыйтусене сӳтсе явнă, ҫавӑн пекех малашнехи плансене палӑртнă. Ҫавӑн пекех съездра Пишпÿлек районӗнчи Канашăн ҫӗнӗ председательне суйланӑ. Вăл Сергей Квинтильянович Михайлов пулнă.
Сăнÿкерчĕкĕсем: Пишпÿлек район администрацин социаллă сетьри страницинчен.