Пишпÿлекре призывниксен уявĕ иртнĕ

Пишпÿлек районӗнче Раҫҫейӗн Хӗҫпӑшаллӑ Вӑйӗсен ретне яш-кӗрӗме ӑсатакансене халалласа призывниксен уявĕ иртнĕ. Мероприяти яланхи йӑлапа Тӑван çӗршыв хӳтӗлевçисен паркӗнче пуҫланнӑ, унта пулас салтаксем тӗрлӗ ҫулсенче ҫар тивӗҫне пурнӑҫланӑ чухне вилнӗ ентешсен асӑну плитисем ҫумне чечексем хунӑ. Ҫакӑн хыҫҫӑн мероприяти Пишпÿлекри 3-мӗш вăтам шкула куҫнă, унта унӑн чаплӑ пайӗ пулнă. Призывниксене сывлӑх сунса район администраци пуҫлӑхӗ Артур Зарипов, районти ҫар комиссарӗ Салават Абдуллин тата ветеран организацийӗсен представителӗсем саламланă. Ачасене чыслӑн та тивӗҫлӗн служит тума сунса, Артур Зарипов вӗсене асӑнмалӑх сувенирсем панă.
Аса илтеретпӗр, Раҫҫейре призыв кампанийӗ декабрӗн 31-мӗшӗччен тӑсӑлӗ.
Сăнÿкерчĕкĕсем: Пишпÿлек район администрацин социаллă сетьри страницинчен.