Пушкӑртстанра тӑватӑ ҫул хушшинче 49 ГТО площадки тунă

Ноябрӗн 8-мӗшӗнче Бирск, Давлекан тата Мечетлĕ районӗсенче тренировкӑсем тума тата ГТО нормисене пама спорт площадкисем уҫнӑ. Кун ҫинчен Пушкӑрт Пуҫлӑхӗ Радий Хабиров соцсетьре каласа панӑ.
Стерлитамакра "ӑслӑ спорт площадкине" хута янă. Унта футбол уйĕ, баскетболпа волейбол зонисем, чупмалли ҫул, 100 вырӑнлӑ трибуна, вӑй тренажерӗсем кĕреççĕ.
"Тăватă ҫул хушшинче эпир 49 ГТО площадки тата икӗ "ӑслӑ" спортплощадка ҫыннисене туса патӑмӑр. Нумайрах федерацин укçи-тенкине пула. Хавас! Пурне те сывлӑх сунатӑп!" - тенӗ регион Пуҫлӑхӗ.
"МГ" информацийĕпе.