2023 ҫултан Раҫҫейре ачаллӑ пур ҫемьен те пӗрешкел пособи пулӗ

Ҫитес ҫултан Раҫҫейре ачаллӑ пур ҫемье валли те пӗр пособи пулӗ. Ку 17 ҫул тултарман ачасене пырса тивет.
Хальхи вӑхӑтра 0-3 ҫулти, 3-7 ҫулсенчи тата 7-17 ҫулсенчи шӑпӑрлансемшӗн, ача кӗтекен хӗрарӑмсене расна пособи шутласа параҫҫӗ. РФ Президенчӗ Владимир Путин 2023 ҫултан вӗсене пӗрлештерме хушнӑ.
Владимир Владимирович унччен йӗркелӳ ыйтӑвӗсене, пособие мӗнле шутламалли тата тӳлемелли йӗркене татса пама хушнӑ.
Сӑмах май, ҫӗршывра Амӑшӗн капиталне памалли срока та тӑснӑ. Вӑл 2026 ҫулччен вӑйра пулӗ.
#президент, #укҫа-тенкӗ, #ачасем, #пособисем, #Раҫҫейре
Хыпар ҫӑлкуҫӗ: https://pg21.ru/news/82908