Чӑн-чӑн патриотсем Раҫҫей ҫарне пулӑшма волонтерсен "Пурте фронт валли" ушкăнне пӗрлешрӗҫ

"Эпир хамӑрӑннисене пӑрахмастпӑр" — паян ку пӗтӗм ҫӗршыв девизӗ. Пӗрисем тӑшмана хирӗҫ передовойра паттӑррӑн ҫапӑҫнӑ чухне, теприсем вӗсене пӗтӗм вӑйран пулӑшаҫҫӗ: кӗл тăваççĕ, ӑшӑ тумтирсем пухаççе, ачан чуна пырса тивекен ӳкерчӗкӗсем ÿкереççĕ. Боецсене кирек мӗнле пулӑшу та пӗр пекех кирлӗ. Ҫакӑн пек ҫӑмӑл мар вӑхӑтра пӗр шухăшлăхпа пӗрлӗх уйрӑмах кирлӗ, мӗншӗн тесен ҫӗнтерӳ яланах икӗ фронтра — передовойра тата тылра туптанать.

Сентябрӗн 26-мӗшӗнче Пишпÿлек районӗнчен мобилизациленнисем ҫар службине кайрӗҫ. Нумайӑшӗн пурнӑҫӗ икке пайланнӑ. Ирӗклӗхпе никама пӑхӑнманлӑхшӑн кӗрешес ӗҫре пирӗн аттесем, пиччесем, ывӑлсем, упӑшкасемпе палланӑ ҫынсем ҫар спецоперацине хутшӑнаççĕ. Районти чӑн-чӑн патриотсем, хастар чунлӑ ҫынсем Раҫҫей ҫарне пулӑшма тата хавхалантрса вăй парса тăма волонтерсен "Пурте фронт валли" ушкӑнне пӗрлешнӗ.

Ҫак проектӑн идейӑллӑ хавхаланӑвӗпе — Пăслăк ялӗнче пурӑнакан хастар чунлӑ ҫӗршывӑн чӑн-чӑн патриочӗ Алевтина Васильевӑпа калаҫатпӑр.

— Алевтина Герасимовна, пирӗн салтаксене пулӑшма сире мӗн хистерĕ?

— Ку лăпкă мар лару-тӑрура сӳрӗккӗн юлма пултараймарӑм. Ятарлă çар операци пуҫланнӑранпа пирвайхи кунсенчех пирӗн салтаксемшӗн пӗтӗм чун-чӗререн тӑрӑшатӑп. Пӗлӗшсен СВОна малтанхи кунсенчех хутшӑнакан тӑванĕсем, упӑшкисемпе ачисем нумай. Ҫавӑнпа та салтаксене мӗн тери йывӑррине пӗлетӗп.

— Хӑвӑр командӑр ҫинчен каласа парӑр. Камсем вӗсем?

— Сентябрӗн 26-мӗшӗнче хамăн каналсем тӑрӑх пӗрремӗш гуманитари пулӑшӑвне пуҫтарма тытӑнтӑм, туссем, ĕçтешсем, предпринимательсем хушшинче пуçарăва сартăм. Эпир 170-200 ҫынна яхӑн пухӑнтӑмӑр. Пирӗн лайӑх, яваплӑ команда. Ушкӑн администраторӗсем — Елена Давыдова, Анастасия Павлова, Евгения Гнатюк, Светлана Араптанова, Эльнара Суфьянова. Районти чылай предпринимательсем пирӗн ҫума хутшӑнчӗҫ, пулӑшаҫҫӗ, пур ӗҫре те пулӑшаҫҫӗ. Пишпÿлякри 1-мĕш вӑтам шкул учителӗсем нуски, перчетке, алсиш ҫыхаҫҫӗ. Азат Файзуллин мобильнӑй 12 кӑмака хатӗрлет. "Шелкопряд" ательйин хуҫи Динара Каримова тата ытти ырă ҫынсем ҫывӑрмалли михӗсем валли чехолсем ҫӗлеҫҫӗ. Ахаль ҫынсем, пенсионерсем укҫапа е апат-ҫимӗҫ пулӑшӑвӗпе пулӑшаҫҫӗ.

— Укҫа-тенкӗ тата кирлӗ япаласем пухнисӗр пуҫне, эсир боецсене мораль тӗлӗшӗнчен хавхаланма сӗнетӗр. Мӗне пӗлтерет ку?

— Эпир Пушкăрт клиникисен волонтер ушкӑнӗнче ӗҫлетпӗр, унта СВО зонинче ӗҫлекен медработниксене пулӑшатпӑр. Мобилизациленӗ ҫынсен ашшӗ-амӑшӗсемпе тата арӑмӗсемпе таччӑн çыхăну тытатпăр. Эпир ача-пӑча ҫырӑвӗсем, ӳкерчӗксем, поделкăсем нумай яратпӑр. Вӗсене салтаксем кӗтеҫҫӗ, хаклаҫҫӗ, хӑйсемпе пӗрле илеҫҫӗ. Вӗсене ҫак пулӑшу питӗ кирлӗ, мӗншӗн тесен боеца кирек мӗнле хатӗрлесен те, ӑна пурпӗрех йывӑр. Салтаксем хӑйсем кӑна маррине, кунта вӗсене пулӑшнине, вӗсен хыҫӗнче шанчӑклӑ тыл пуррине туйма тивӗҫ. Ҫара мӗнле лайӑх тивĕçтерсен те, пирӗн вӗсене хамӑр чӗререн парӑннине кӑтартмалла, гуманитари пулӑшӑвне пухмалла, ӑшӑ сӑмах каламалла. Кусем пирӗн ачасем вĕт! Тата кам пулӑшӗ вӗсене? Малта хӗл ларнине, чи кирли — ӑшӑ тумтир кирлĕ пулнине пирӗн манмалла мар. Паллах, ҫырусем. Вӗсем валли ҫырусем, тӑван-хурӑнташсенчен, ҫывӑх туссенчен салам пек —  палламан ҫынсенчен те салам яни вăй-хăват параççĕ. Вӗсен пирĕн пулӑшӑва туймалла, ӑнланмалла: эпир кунта чухне вӗсем ҫинчен астӑватпӑр, эпир вӗсене киле кӗтетпӗр.

Карина ИВАНОВА.

Сăнÿкерчĕкĕ: Карина ИВАНОВА.

Тĕплĕнрех «Светлый путь» хаçатра вулăр.

Мобилизациленисемпе доброволецсем валли гуманитари пулӑшӑвӗ, нумай вӑхӑт упрамалли апат-ҫимӗҫ таварӗсем, тумтирсем тата гигиена хатӗрӗсем Пишпÿлекри "Валерия" медицина центрне илсе килме пулать, Васильев Александр Витальевич ячĕпе уçнă 2202 2018 6439 2788 счет çине хӑй ирӗкӗпе финанс пулӑшӑвне яма пулать, куҫарсан "Все для фронта!» тесе çырмалла.