Пушкӑртстанра вунӑ уйӑх хушшинче ДТП-ра 343 ҫын вилнӗ, вӗсенчен 13-шӗ - ачасем

Ноябрӗн виҫҫӗмӗш вырсарникунӗнче Ҫул ҫинчи транспорт инкекӗсен ҫухатӑвӗсене асра тытмалли Пӗтӗм тӗнчери куна палӑртаҫҫӗ. Кӑҫал вӑл ноябрӗн 20-мӗшне тивет. Пушкӑртри тӗп патшалӑх çул инспекторӗ Владимир Севастьянов январь уйӑхӗнчен пуҫласа октябрь уйӑхӗччен республикӑра ҫул ҫинчи транспорт инкекӗсене 2 908 регистрацилени ҫинчен каласа панă.
Ҫак ДТП 343 ҫын вилнĕ, вӗсен хушшинче 13 ача пулнӑ. 3 570 ҫын ытла тĕрлĕ йывăрлăхпа суранланнă.
Владимир Севастьянов ҫак кун республикӑра ҫул-йӗр аварийӗсенче вилнӗ ҫынсене асӑнса социаллӑ пӗлтерӗшлӗ акцисем иртни ҫинчен каласа панă. Ку мероприятисенче тĕн конфессийӗсен представителӗсем хастар пулӑшаҫҫӗ, пумилкке службисем ирттереҫҫӗ.
"МГ" информацийĕпе.