Ача ҫуралнӑ чухне 490 грамм тайнӑ, халӗ лайӑхах аталанать

Шупашкарта арҫын ача ҫуралнӑ чухне 490 грамм тайнӑ. Унтанпа ҫулталăк иртнӗ ӗнтӗ. Ҫав кунсене амӑшӗ халӗ лӑпкӑнах аса илет ӗнтӗ. Ун чухне вара вӑл пепкин пурнӑҫӗшӗн питӗ хӑранӑ.
«Ача ҫуралсанах манӑн шок пулчӗ. Кайран, реанимацие килсен, пӗчӗк ывӑлӑм пурнӑҫшӑн кӗрешнине курсан ҫакна ӑнлантӑм: манӑн ӑна шанмалла, йӑлтах лайӑх пулӗ», - аса илет амӑшӗ. Тухтӑрсем хальхи йышши технологисем пулӑшнипе пепкен пурнӑҫне ҫӑлса хӑварнӑ.
Ача халӗ 1 ҫулта, аталанас енӗпе тантӑшӗсенчен кӑшт ҫеҫ юлать. Хӑй вара питӗ хаваслӑ ача.
#тухтӑрсем, #ачасем, #сывлӑх, #Шупашкар
Хыпар ҫӑлкуҫӗ: https://cheb-gkb1.med.cap.ru/p...b-n1-vihazhivayut-detej-s