Пушкӑртстанра нумай ачаллӑ ҫемьесенче пушар извещателӗсем пуррине тӗрӗсленӗ

Пушкӑрт правительствин премьер-министрӗн заместителӗ Ирек Сагитов иртнӗ канмалли кунсенче 22301 ҫемьере тӗрӗслев иртнине, ҫав тӗрӗслевре пушар извещателӗсенче 1628 питани элеменчӗсене улӑштарнине пӗлтернӗ.
Сагитов каланӑ тӑрӑх, республика бюджечӗн шучӗпе 2016 ҫултан пуҫласа пурӗ 465 601 пушар извещателӗ, ҫав шутра нумай ачаллӑ ҫемьесене - 77 915 панă.
Автономлӑ пушар извещательне илес тесен Пушар профилактика центрӗнче 8 (347) 272-00-24 телефонпа ĕç кунĕсенче 9.00 пуҫласа 18.00 сехетчен е электронлӑ почтӑна заявка хӑвармалла: [email protected].
"МГ" информацийĕпе.