Пушкӑртстан Раҫҫей программипе тивӗҫтермелли лицензисене туяннипе ТОП-10 субъектсен хушшине кĕнĕ

Пушкӑртстан Республики Раҫҫей программипе тивӗҫтермелли лицензисен шучӗпе ТОП-10 региона кӗнӗ.
Шӑпах ҫулталӑк каялла республикӑри патшалӑх управленийӗн цифра аталанӑвӗн министрӗ Геннадий Разумикин, цифра трансформацийӗпе IТ-отрасль ыйтăвĕсемпе Пӗтӗм тӗнчери бизнес эрни-2021 "Малашлӑх инвестицисем" çавра сĕтел ирттернĕ чухне пӗчӗк тата вӑтам предпринимательлӗх субъекчӗсем туяннӑ пӗрремӗш пин программа продукчӗсем ҫинчен пӗлтернӗ.
– Пушкӑртстан вунӑ регион шутне лекни хамӑр ҫӗршыв программисен продукчӗсем ыйтупа усӑ курнине кӑтартать. Республикӑра вӗсене МП субъекчӗсем ҫеҫ мар, ытти пысӑк организацисем те туянаҫҫӗ. Ҫакӑ республикӑри предприятисен хӑйсен бизнесне аталантармалли малта пыракан цифра инструменчӗсемпе практикӑра усӑ куракан активлӑ ӗҫ-хӗлӗ ҫинчен калать, - палӑртнă министр.
Пӗчӗк тата вӑтам бизнеса цифрӑлама пулӑшмалли программа пӗлтӗр Раҫҫей Цифра министерствин "Раҫҫей Федерацийӗн цифра экономики" наци программи шайӗнче "Цифра технологийӗсем" федераци проекчӗн шайӗнче хута янă. Ҫӑмӑллӑхлӑ условисене федераци бюджетӗнчен производительсен лицензин хакӗн ҫуррине компенсациленине пула пурнӑҫланӑ.
"МГ" информацийĕпе.