Пысăк тĕрĕслевсем тÿссе ирттерме тивнĕ

Кун ҫинчен Пишпÿлекри 2-мĕш вӑтам шкул директорӗ Сергей Федотов калать. Николай Геннадьевич Петрова директор ĕçри тивӗҫӗсене пурнӑҫлама яваплӑ хутшӑннӑшӑн, йӗркелӗхпе тĕплĕ ĕçленĕшĕн ҫакӑн пек пысӑк хак пачӗ. Ӗҫри ӗҫтешсем пурте унăн ӗҫченлӗхне, сăпайлăхне, кампа хутшӑнать, ҫавӑнпа пуринпе те тӳрӗ кӑмӑллӑ пулнине палӑртаҫҫӗ.

Коля Пишпÿлек ял совечӗн Хуртвăрманай поселокӗнче пурӑнакан Геннадипе Ольга Петровсен нумай ачаллӑ ҫемйинче пиллӗкмӗш ача пулса ҫуралнӑ. Арçын ача мӗн пӗчӗкренех пултарулӑхĕпе палӑрнӑ. Кĕвве илтмелли пултарулăха çутçанталăкран илнĕскер, хӑй тӗллӗнех купӑс калама, унтан гитара калама вӗреннӗ. Ҫичӗ ҫулхи ача кӑткӑс произведенисене питĕ ăста вылянă, ҫитӗннисене тӗлӗнтернӗ тата савăнтарнă.

Хĕлле ялти ачасем вали хоккей площадки тӑвас ӗҫӗн пуҫаруҫи, ҫулла-футбол уйӗ йĕркелекен пулнă. Лайӑх вӗреннӗ, вулама питӗ юратнӑ. Ку таранччен Николай интереслӗ кӗнекесем вуламасӑр пурӑнма пултараймасть, ҫавӑнпа унпа калаҫма интереслӗ.

Николай Геннадьевичӑн пурнӑҫ опычӗ пысӑк, унта пысӑк тӗрӗслевсем те пулнӑ. Пишпÿлекри вӑтам шкултан вӗренсе тухнӑ хыççăн машина водителӗсен курсне ӑнӑҫлӑ пĕтернĕ. Унтан сроклă ҫар службине мобилизаципе кайнă. Мускавра служит тунă, старшина званипе демобилизациленӗ те, чун чӗннипе, каллех тӑван ҫӗршыва таврӑннӑ. Мăшăрĕпе икӗ чаплӑ ывӑл пӑхса ӳстернӗ. Анчах кӗтмен ҫӗртен, уяр тӳпери аслати пек, ҫемьене инкек пырса ҫапӑннӑ: аварие пула ҫемье пуҫӗ хӑрах алӑсӑр тӑрса юлнӑ. Медиксем заключени панă: "Инвалид", — тесе ҫырнӑ. Ку приговор пек янӑранă, анчах шок тӳссе ирттернӗ хыҫҫӑн Николай парӑнман, малалла пурӑнать, ӗҫлет. Чӑнах та, урӑх профессие вӗренме тивнӗ. Вӑл колхозра снабженец пулса тӑнӑ. Тельман ячĕллĕ колхоза салатса пӗтеричченех.

Пӗтӗм тӑванӗ ӑна пысӑк хӗн-хур тӳссе ирттерме пулӑшнă, сӑмахпа та, ӗҫпе те пулӑшнă. Николай Геннадьевич пек ҫынсемпе пурнӑҫра тӗл пулса, вӗсен пурнӑҫа юратнине, чи лайӑххине шаннине, ҫирӗплӗхне, хапсӑнманлӑхпа вӗҫӗ-хӗррисӗр ырӑ кӑмӑллӑхне палӑртатпӑр. Ҫынсем обществӑн ытти членӗсене тӑрӑшма, тимлеме васкаҫҫӗ, юнашар тӑракансене пурне те хӑйсен оптимизмӗпе хавхалантараҫҫӗ.

Елена АНДРЕЕВА,

Пишпÿлек ялĕ.

Сăнÿкерчĕкĕ: Елена АНДРЕЕВА.

Тĕплĕнрех «Светлый путь» хаçатра вулăр.