Уфара Пӗтӗм тӗнче бизнес эрни уҫӑлнă

Паян Уфари "Торатау" Конгресс-холлта Пӗтӗм тӗнче бизнес эрнине старт панӑ. Ҫулленхи экономика пулӑмӗ кӑҫал 3000 ытла ҫынна пӗрлештернӗ: влаҫ представителӗсене, бизнес-пӗрлӗхĕсене тата тӗрлӗ сферӑри экспертсене. 15-мӗш юбилей форумӗн уй-хирӗсенче федераци тата пӗтӗм тӗнче шайĕнчи 500 ытла спикер тухса калакан 50 ытла ӗҫ мероприятийӗ иртӗ.
"Пӗлтӗр форум партнерӗ Казахстан пулнӑ. Ҫак лайӑх йӑлана малалла тӑсатпӑр. Кӑҫал форум партнерӗ -Беларусь. Ҫак ҫӗршывсемпе пирӗн чи усӑллӑ ӗҫлени тата стратегилле ҫыхӑнусем аталанаҫҫӗ. Пӗрле эпир пысӑк пӗлтерӗшлӗ проектсем пурнӑҫлатпӑр. Тӗнчен 20 ҫӗршывне паян пирӗн Уфара тӑратнӑ. Пирӗн республикӑри промышленноҫ флагманӗсене тав тӑвас тетӗп. "Газпром", "Башнефть", Пушкӑрт сода компанийӗ, Ростех предприятийӗсен тухӑҫлӑ ӗҫӗсӗр республика кун пек ӑнӑҫлӑ пулман пулӗччӗ. Ҫак ҫулсенче эпир тухӑҫлӑ ӗҫленине, сӑмах тытма пӗлнине ӗнентерме пултартӑмӑр пулӗ тетӗп. Бизнес эрни пуриншӗн те усӑллӑ пулӗ тесе шутлатӑп", - тенӗ Пушкӑртстан Пуҫлӑхӗ Радий Хабиров уҫнӑ церемонинче.
"Башинформ" информацийĕпе.
Сӑнӳкерчӗкĕ: Олег Яровиков.