Муниципалитетсем хушшинчи ҫулсене юсама Пушкӑртстанра 2023 ҫулта тăватă миллиард тенкӗ хывнӑ

Пушкӑртстан Пуҫлӑхӗ Радий Хабиров муниципалитетсем хушшинчи автоҫулсене юсамалли программӑна палăртнă. Пĕтĕмлетекен пысăк интервьюра регион ертӳҫи ӑна пилӗк ҫуллӑха палӑртни пирки чарăнса тăнă. 2023 ҫулта ӑна пурнӑҫлама республика бюджетӗнче тăватă миллиард тенкӗ пӑхса хӑварнӑ.
"Районти кашни пуҫлӑх вырӑнти ҫынсене хумхантаракан ҫулсен переченьне кӑтартса памалла. Кунсӑр пуҫне, трасса ҫинче транспорт тиеннин шутне шута илни кирлӗ. Ҫавна пула эпир ҫулсене юсамалли план тӑватпӑр, ҫав тӗллевсем валли укҫа-тенкӗ хыватпӑр. Ҫав хушӑрах эпир ҫынсен чӑн-чӑн çăхавĕсем ӑҫта пулнине куратпӑр", - тенӗ Радий Хабиров.
"Башинформ" информацийĕпе.
Сӑнӳкерчӗкĕ: Олег Яровиков.