"Умка" ача садӗнче апат-çимĕç йĕркелессине тĕрĕсленĕ

Ачасене тулли, шайлашуллӑ апатлантарассине йӗркелесси Пишпÿлекри "Умка" ача сачӗн ӗҫ-хӗлӗн чи пӗлтерӗшлӗ ҫул-йӗрӗсенчен пӗри. Илекен продуктсен пахалӑхне, вӗсене упрамалли тата пурнӑҫламалли условисене куллен ача садӗнче ӗҫлекенсем тӗрӗслесе тӑраҫҫӗ. Воспитанниксен ашшӗ-амӑшӗсем те ача садӗнче апат-ҫимӗҫ йӗркелес ӗҫе тӳрремӗнех хутшӑнаҫҫӗ. Вӗсем апат-ҫимӗҫ комисси составне кӗреҫҫӗ, апат-ҫимӗҫ хунине, апат-ҫимӗҫ валеҫнине тата вӗри апат-ҫимӗҫе йĕркеленине вӑхӑтран вӑхӑта тӗрӗслесе тӑраҫҫӗ. Апат пахалӑхне тухӑҫлӑ тӗрӗслесе тӑрассине тивӗҫтерес тӗллевпе, декабрьте ача садӗнче ачасене апатлантарассине йӗркеленине ашшӗ-амӑшӗ тӗрӗсленӗ.
Комисси склад пӳлӗмӗсене, апат-ҫимӗҫ упрамалли срокӗсене тата условийӗсене тӗрӗсленӗ, апат-ҫимӗҫ докуменчӗсемпе паллашнă, апат-ҫимӗҫ çитермелли пӳлӗмсене пӑхса тухнă.
Тӗрӗслев пӗтӗмлетӗвӗсем тӑрӑх ашшӗ-амӑшӗ ача садӗнче апат-ҫимӗҫ йӗркелессине ҫӳллӗ шайра йӗркеленине, ача садне кӗрекен апат-ҫимӗҫ продукчӗсене патшалӑх стандарчӗсен требованийӗсемпе килӗшӳллӗн тӗрӗсленине палӑртнӑ.
Сăнÿкерчĕкĕсем: Пишпÿлекри "Умка" ача сачӗн социаллă сетьри страницинчен.