Пушкӑрт ҫыннисем муниципалитетсен ӗҫ тухӑҫлӑхне 2023 ҫул тӑршшӗпе интернет урлӑ хаклама пултараҫҫӗ

Пушкӑрт районӗсемпе хулисенче пурӑнакансем 2023 ҫул тăршшĕпе, январӗн 1-мӗшӗнчен пуҫласа декабрӗн 31-мӗшӗччен, администрацисен, ҫавӑн пекех халӑха пулӑшу паракан патшалӑх тата муниципалитет организацийӗсен ӗҫ тухăçлăхне хаклама пултараҫҫӗ.
Интернет-ыйтӑма муниципалитет пӗрлӗхӗсен официаллӑ сайчӗсемпе усӑ курса "Пушкӑрт Республикин сасси" порталта ирттереҫҫӗ. Унта кашни ҫын, ҫак порталта регистрациленӗ процедура витӗр тухнӑскер, хутшӑнма пултарать. Ҫакна тума компьютер е интернетпа усӑ курмалли кирек мӗнле мобильлĕ хатӗр те ҫителӗклӗ.
Халӑх ыйтӑмне Раҫҫей Федерацийӗн Президенчӗпе Пушкӑрт Республикин Пуҫлӑхӗн вырӑнти хӑй тытӑмлӑх органӗсен ӗҫ-хӗл тухӑҫлӑхне ӳстермелли указӗсене пурнӑҫлас тĕллевпе ирттереҫҫӗ, пӗлтернӗ ПР правительствин пресс-службинче.
"Башинформ" информацийĕпе.
Сӑнӳкерчӗкĕ: Ксения Калинина.