Ӗҫ укҫи ӳсни, ҫӗнӗ производство уҫни: Президент правительствăн 2023 ҫулхи ӗҫӗн тӗллевӗсене асӑннӑ

#владимирпутин
Кӑҫалхи пӗрремӗш канашлура Раҫҫей Президенчӗ Владимир Путин кӑҫалхи ӗҫӗн ултă тӗп ҫул-йӗрне асӑннă. Вӗсем социаллӑ пурнӑҫпа экономика программисемпе планӗсене пурнӑҫлама, ҫынсен ырлӑх-пурлăхне ӳстерме, ҫӗршывӑн вӑй-хӑватне уҫма, тӗнчери ҫыхӑнусене анлӑлатма тӗллев лартаҫҫӗ.
Пӗрремӗш ҫул-йĕр - тулашри экономика ҫыхӑнӑвӗсене анлӑлатасси тата ҫӗнӗ логистика коридорӗсем тӑвасси. Малалла ҫул-йӗрпе ытти инфратытӑма, пурӑнмалли ҫурт-йӗрпе коммуналлӑ хуҫалӑх аталанӑвӗнче палӑрмаллах лайӑх ҫитӗнӳсем тумалла. Виҫҫӗмӗш тӗллев - Раҫҫей экономикин технологиллӗ майӗсене пысӑклатасси, ҫӗнӗ производствӑсемпе ӗҫ вырӑнӗсем уҫассине хавхалантарасси.
Тӑваттӑмӗшӗ - ҫӗршыври финанс суверенитетне ҫирӗплетесси. Ҫакӑ пысӑк технологиллӗ компанисене, промышленноҫа, ял хуҫалӑхне тата ытти чылай отрасле инвестицисем аталантармалли тӗп услови. Пиллӗкмӗш тӗллев - экономика политикин мерисене вӗсем ҫынсен чӑн ӗҫ укҫипе тупӑшӗсене ӳстерме, социаллӑ пулӑшу мерисемпе пӗрлех, пуринчен малтан ҫемьесемпе ача-пӑчана, чухӑнлӑхпа танмарлӑха малалла чакарма пулӑшмалли майсем туса хурасси. Улттӑмӗш ҫул – демографи сферинчи ҫивӗч ыйтусене татса парасси, чи малтан хальхи тата пахалӑхлӑ сывлӑх сыхлавӗн майӗсене ӳстересси.
Президент ҫак енӗпе ӗҫ пӗтӗм региона, ҫӗршывӑн социаллӑ пурнӑҫпа экономика анлӑшне интеграциленмелли ҫӗнӗ субъекчӗсене те, явӑҫтармаллине палӑртнӑ.
"Башинформ" информацийĕпе.
Сăнÿкерчĕкĕ: kremlin.ru.