"Умка" ача садӗнче ачасене ҫарпа патриот воспитанийĕ парассине пысӑк тимлӗх уйӑраҫҫӗ

Пишпÿлекри "Умка" ача садӗнче ачасене ҫарпа патриот воспитанийĕ парассине пысӑк тимлӗх уйӑраҫҫӗ. Уйӑх тăршшĕпе ҫарпа патриот воспитани парас уйӑхлăха халалланӑ мероприятисем иртеҫҫӗ.

«Бараш» кӗҫӗн ушкăнра — "Тӑван çӗршыв хӳтӗлевçин кунĕ уявпа паллашас тӗллевпе çар техникин, ҫар профессийӗсен тӗсӗсем ҫинчен калаҫусем ирттернĕ, иллюстрацисене тишкернĕ, ҫарпа патриотизм темипе хайлавсем вуланă, сюжетпа роль вӑййисем вылянă, ашшĕсем валли открыткăсем хатӗрленĕ. Ачасемпе "Теттесен парачӗ" йӑпану вăййи ирттернĕ, унта ачасем ашшĕсем çинчен сӑвӑ-саламсем каласа панă, юрӑсем юрланă, ташăсем ташланă, «Самолетсем»,"Кавалеристсем" вӑйӑсем вылянă.  

Сăнÿкерчĕкĕсем: Пишпÿлекри "Умка" ача сачӗн социаллă сетьри страницинчен