Аннепе пӗрле хатӗрлетпĕр

Мартӑн 8-мӗшӗ умĕн Пишпÿлекри "Дюймовочка" ача садӗнче "Аннепе пӗрле хатӗрлетпĕр" акци иртнĕ. Пӗрле апат хатӗрлесси - вӑхӑта аннепе ирттермелли, унпа пуринпе те туслашмалли питӗ лайӑх сӑлтав. Ачана ҫакӑн пек эмоциллӗ хутшăну питӗ кирлӗ, мӗншӗн тесен психологи тӗлӗшӗнчен мӗн чухлӗ хӑтлӑрах, ӑс-хакӑл тӗлӗшӗнчен те вӑл ҫавӑн чухлӗ лайӑхрах аталанать.
Сирӗн ача нумай ҫӗнӗ хӑнӑхусем туянать, яваплӑ та хӑй тӗллӗн пурӑнма вӗренет. Вӑл хӑйӗн тусӗсене хăй амăшпе пӗрле хатӗрлени ҫинчен мӑнаçланса каласа парӗ.
Сăнÿкерчĕкĕсем: Пишпÿлекри "Дюймовочка" ача сачӗн социаллă сетьри страницинчен.