Хумхануллă тĕл-пулу

Пуш уйӑхӗн 21-мӗшӗнче Калинин ял советĕнчи Усак-Кичури вăтам шкулта, çак шкулта вӗренсе тухнă, кӗске вӑхӑтлӑха отпуска килнĕ СВОна хутшăнакана халалланӑ чаплӑ мероприяти иртнĕ. Паян вӑл - тӑван шкул стенисем хушшинче кӗтнӗ хӑна. Шкул линейкинче вӑл вӗренекенсене салам сăмахĕ каланă, тимлӗхшӗн, пулӑшнӑшӑн, ӑшӑ ҫырусемшӗн тав тунă. Шӑпах хӑйне лекнӗ ҫыру авторне 11-мĕш класра вӗренекен Гульмира Махмудована хăйĕнчен парне панă.
Вӗренекенсем хаклӑ хӑна валли пысӑках мар выступлени хатӗрленĕ. Мероприяти питӗ хумхануллӑ иртнĕ. Пишпÿлек районӗнчи пуçне хунă ентешсене пӗр минут хушши чӗнмесӗр тӑрса асăннă.
Хамӑр ентешӗмӗрсене тата СВОна хутшӑнакансене пурне те чӗрĕ те сывă таврӑнма сунатпӑр.
#МыВместе
#БижбулякскийРайон
#МыПатриотыРоссии
#МыЗаРодину
Сăнÿкерчĕкĕсем: Пишпÿлекри çамрăксен "Вектор" центрĕн социаллă сетьри страницинчен.