Пишпÿлекри "Дюймовочка" ача сачĕ "Тимлӗр, ачасем!" акцие хутшăннă

Ҫул-йӗр юхӑмӗн хӑрушсӑрлӑхӗн ыйтӑвӗпе вӗрентӳ формисемпе меслечӗсене лайӑхлатас, шкулчченхи ача-пӑча учрежденийӗсен воспитанникӗсене харпӑр тата общество хӑрушсӑрлӑхӗшӗн яваплӑ пулма вӗрентес тӗллевпе, ПДД кунĕнче "Тимлӗр, ачасем!" акци шайĕнче Пишпÿлекри "Дюймовочка" ача сачӗн мĕнпур ушкӑнӗсенче педагогсемпе ача-пӑча ҫул-йӗр правилисемпе мероприяти ирттернӗ.
Чи пĕчĕккисем тата кӗҫӗн ушкӑнри воспитанниксем дидактикӑпа хускануллă вăйăсем вылянă - "Автомобильсем килеҫҫӗ", "Чупакан светофор ", "Хĕрлĕ, сарӑ, симӗс". Туясемпе хаваслӑ музыкăллă физкультура минутне ирттернĕ.
"Колобок", "Непоседы" шкулчченхи аслă ушкăнсенче "ПДД пӗлекенсем" ҫул-йӗр правилисене малалла вĕренес тӗллевпе викторина ирттернӗ. Викторина пӗтӗмлетӗвӗсем тӑрӑх ачасене Мухтав хучĕсемпе наградӑланӑ.
"Пчелки" ушкӑнри ачасем ҫул-йӗр правилисем тӑрӑх ӳкерчӗксем сӑрланă, юмахăн тупсӑмне тупнă.
Туса ирттернӗ мероприятисем хыҫҫӑн ачасем светофор сигналӗсемпе ҫул-йӗр правилисем ҫинчен ҫирӗп пӗлӳ илнĕ, ҫул-йӗрĕн кӑтартакан тата чаракан паллисене ҫирӗплетнĕ, ачасен урамра хӑйсене мӗнле тытмалли культури, ҫул-йӗр правилисене пӑхӑнса пымалла пулни ӳснӗ.
#minobrnauki_rb, #yuidbashkortostan, #яратамПДД, #gibdd_rb
Сăнÿкерчĕкĕсем: Пишпÿлекри "Дюймовочка" ача сачӗн социаллă сетьри страницинчен.