Пишпÿлек районӗнчи аслӑ ӑру гражданӗсем республикӑн тӗп хулинче пулса курнă

" Башкирское долголетие. Туризм" проект шайӗнче Пишпÿлек районӗнчи аслӑ ӑру гражданӗсем пирӗн республикӑн тӗп хулинче пулса курнă.
Професси гичӗпе пӗрле ушкӑн Уфа хулинчи чи паллӑ вырӑнсенче пулнă. Экскурси программи Пушкӑрт Республикин Наци музейĕнчен пуҫланнă, унта экскурсантсем тӑван ҫӗршыв историйӗ ҫинчен каласа кӑтартакан экспонатсемпе паллашнă. Театр скверӗнче чапа тухнӑ "7 девушек" фонтанне пӑхса тухнă, паллах, вӑл ҫуралнипе ҫыхӑннӑ пушкӑрт легендине аса илнĕ. Маршрут вӗҫленнӗ май Çар Мухтавĕн музейне çитсе курасси тата Ҫӗнтерӳ паркӗ тӑрӑх уҫӑлса ҫӳресси пулса тӑнă.
Экскурси кунӗ асран кайми сӑн-сӑпатне хӑварнӑ.
Аса илтерер, Уфана ҫитес экскурси апрелӗн 25-мӗшӗнче пулать. Тура хутшӑнас текенсене çырăнтарма пуҫланă ӗнтӗ.
Проекта хутшӑнас тесен https://долголетие.соцтуризмрб.рф сайтра регистраци иртмелле е 8(34743)2-14-49 телефонпа шӑнкӑравласа ҫырӑнмалла .
#БашкирскоеДолголетие

Сăнÿкерчĕкĕсем: Пишпÿлек район администрацин социаллă сетьри страницинчен.