Путин Раҫҫейӗн ҫӗнӗ регионӗсенче хаксем пысӑк пулнине асӑрханӑ

#владимирпутин
Раҫҫей Президенчӗ Владимир Путин РФ ҫӗнӗ регионсенче пысӑках мар укҫа-тенкӗ тупӑшӗсене пӑхмасӑр хаксем хӑш-пӗр чухне Ростов облаҫӗнчи хаксенчен ҫӳлерех тӑнине асӑрханӑ. Кун пирки патшалӑх пуҫлӑхӗ юнкун, апрелӗн 19-мӗшӗнче правительство членӗсемпе канашланӑ чухне пӗлтернӗ. "Тупӑшсем пӗчӗккӗ, хаксен шайӗ Ростов облаҫӗнчен те ҫӳллӗрех. Ку дисбаланс. Ҫакна эпӗ Хуснуллин вице-премьера та, правительство председательне Михаил Владимирович Мишустина та шута илме сĕнетĕп", — тенӗ Путин.
Вӑл тупӑш шайӗ экономика аталанӑвӗнчен килнине палӑртнӑ. Президент каланӑ тӑрӑх, "ял хуҫалӑх таварӗсем туса илекенсене оперативлӑ, тӗслӗхрен пулӑшмалли япаласем пур".
Маларах Путин канашлура правительство ҫӗнӗ регионсене аталантармалли программӑна хатӗрленине пӗлтернӗ. Марат Хуснуллин вице-премьер каланӑ тӑрӑх, проектӑн пур нюансӗсене те пăхса тухнă ӗнтӗ.
https://iz.ru/1501145/2023-04-19/putin-obratil-vnimanie-na-vysokie-tceny-v-novykh-regionakh-rossii
Сӑнӳкерчӗкĕ: Новости РИА.