Шкул ачисем Уфана икĕ кунлăх çулçÿреве кайнă

Пишпÿлек районӗнчи вӗренекенсен ушкӑнӗ Уфана икӗ куна кайнă. Ҫулçÿрев республикӑри "Шкул туризмӗ" программӑна пула пулма пултарнӑ.
Юлашки ҫулсенче пирӗн республикӑра шалти туризма аталантарассине пысӑк тимлӗх уйӑраҫҫӗ. ПР Пуҫлӑхӗн Радий Фаритович Хабировăн пуҫарӑвӗпе "Пушкӑрт вӑрӑм ӗмӗрӗ" тата "Шкул туризмӗ" текен чаплӑ программӑсем тухнӑ. Ҫавна пула Пишпÿлек районӗнче пурӑнакансенчен нумайӑшӗ ҫулҫӳреве тухса пирӗн республикӑна лайӑхрах пӗлме пултарнӑ.
Уфана икӗ куна ҫамрӑк ҫулҫӳревҫӗсем – Пишпÿлекри 1-мĕш, 2-мĕш, Аитри тата Усак-Кичури вăтам шкулсенчи 6-7-мĕш класра вӗренекенсем кайнă. Пурӗ 90 ҫын. Культурӑпа пӗлӳ программипе тулăх пуласса тата хӑтлӑ автобуссем ҫинче ачасем лайӑх канасса, нумай ҫутӑ кăмăл-туйăм илессе шанатпӑр. Хӑй ҫулçÿрев вара ачасен асĕнче вăрахлăха юлӗ.

Сăнÿкерчĕкĕсем: Пишпÿлек район администрацин социаллă сетьри страницинчен.