Радий Хабиров ача чухне кӗрешÿпе вĕренме çÿренĕ Спорт керменне ҫитсе курнӑ

Пушкӑрт Пуҫлӑхӗ Ишимбая ӗҫпе кайса килнӗ.

Унта Радий Хабиров ятлӑ спортсменсемпе пӗрле хула Спорт керменне, ҫамрӑк чухне классика кӗрешӗвне вĕреннĕ çӗре, ҫитсе курнӑ.

- 49 ҫул иртнӗ, анчах эпӗ ҫав кавир ҫине, имшеркке те хӑюсӑр ачасем, арҫынсем пулса тӑнӑ ҫӗре, ҫавнашкалах хисеплесе те юратса пӑхатӑп, - тесе ҫырнӑ социаллӑ сетьсенче Пушкӑрт Пуҫлӑхӗ.

Палӑртса хӑваратпӑр, пӗлтӗр кӗркунне Спорт керменӗн ҫуртӗнче тӗпрен юсав пуҫланнă. Фасада ҫӗнетнӗ, ӑшӑтнӑ, чӳречесене улӑштарнӑ. Кунта пурӗ 588 воспитанник вӗренет. Радий Хабиров тата ашшӗ-амӑшне канаш панӑ:

- Хӑвӑр ачӑрсене спортпа туслашма ӑсатӑр. Вӑл вӗсенчен чӑн-чӑн ҫынсене - вӑйлӑ та ырӑ чунлӑ ҫынсене ÿстерет, - тенӗ республика Пуҫлӑхӗ.

Регион ертӳҫи Ишимбайӑн тулашри сӑн-сӑпатне те хакланă.

- Ман шутпа, Ишимбай чӑнах та улшӑнать, - палӑртнă вӑл.

https://mgazeta.com/news/novosti/2023-05-17/radiy-habirov-posetil-dvorets-sporta-gde-v-detstve-zanimalsya-borboy-3260612