Халӑх сума сăвать, коллективра, пациентсен хушшинче тивӗҫлӗ авторитетпа усӑ курать

Пушкӑртстан Республикин Пишпÿлек районӗн Канашӗн йышӑнӑвӗпе килӗшӳллӗн 2023 ҫулхи ҫу уйӑхӗн 26-мӗшӗнчен пуҫласа районта пурӑнакансен, унӑн аталанӑвне пысӑк тӳпе хывнӑ, пысӑк ҫитӗнӳсемпе професси ӑсталӑхӗшӗн, района аталантарма пысӑк тӳпе хывнӑ тава тивӗҫлӗ ӗҫӗсене йышӑннă тӗллевпе "Пушкӑрт Республикинчи Пишпÿлек районӗн Хисеплӗ гражданинӗ" ята тивӗҫнĕ.

Пишпÿлек районĕн хисеплĕ гражданинĕ Нуриев Фанис Зайнетдинович (1957 ҫ.)
Фанис Зайнетдинович 1985 ҫулта Пушкӑрт патшалӑх медицина университетӗнчен вӗренсе тухнӑ хыҫҫӑн Уфари 8-мĕш больницӑра "хирурги"специальноҫӗ енӗпе интерн-врач пулса ӗҫлеме пуҫланӑ. Ҫулталӑкри интернатурӑран вӗренсе тухнӑ хыҫҫӑн Пишпÿлек район тĕп больницине хирург-врач пулса ӗҫлеме вырнаҫнӑ, 1996 ҫултанпа районти тӗп больницӑри хирурги уйрӑмне ертсе пырать. Район сывлӑх сыхлавӗн тытӑмӗнче 40 ҫула яхӑн ӗҫлет.
"Хирурги" специальноҫӗ енӗпе пысӑк квалификаци категорийӗ пур.
Фанис Зайнетдинович хӑйне тӳрӗ кӑмӑллӑ, активлӑ, хастар, пӗлекен специалист пулнине кăтартса парать. Унӑн принциплӑх, тӗрӗслӗх, сисӗмлӗх, оптимизм, организатор пултарулӑхӗ пурри палӑрать.
Фанис Зайнетдинович ҫамрӑк специалистсен вӗрентӳҫи пулса тӑрать. Районти халӑх ăна сума сăвать, коллективра, пациентсен хушшинче тивӗҫлӗ авторитетпа усӑ курать.
Сывлӑх сыхлавӗн тытӑмӗнче тӳрӗ, тухӑҫлӑ ӗҫленӗшӗн Пишпÿлек район администрацийӗн, больницан тĕп врачĕн Хисеп грамотисемпе пӗрре мар наградӑланӑ, 1999 ҫулта Пушкӑрт Республикин Сывлӑх сыхлав министерствин Хисеп грамотипе наградӑланӑ; 2001 ҫулта — "Пушкӑрт Республикин Сывлӑх сыхлав министерствин отличникӗ" паллӑпа; 2011 ҫулта — Раҫҫей Федерацийӗн Сывлӑх сыхлав министерствин Хисеп грамотипе, 2018 ҫулта — "Пушкӑрт Республикине 100 ҫул" юбилей медалӗпе.

Ирина Фомина хатĕрленĕ.