СВОна хутшӑнакансем юридика пулӑшăвĕ ыйтма Пушкӑртстанри "Защитники Отечества" Фонда кайма пултараҫҫӗ

Кун пирки "Башинформ" ИА площадкинче журналистсене "Защитники Отечества" регионти филиалӑн ертӳҫи, Патшалӑх Пухӑвӗн - Курултайăн депутачӗ Гульнур Кульсарина каласа панӑ.
Аса илтеретпӗр, Раҫҫей Президенчӗ Владимир Путин хушнипе кӑҫалхи апрель уйӑхӗнче ятарлӑ ҫар операцине хутшӑнакансене пулӑшма фонд туса хунӑ, унӑн тӗп тӗллевӗ - ветерансене, вилнӗ тата аманнӑ боецсен ҫемйисене социаллӑ майпа пулăшасси.

Пресс-конференци шайӗнче Пушкӑртстанри Фонд филиалӗпе патшалӑх юридика бюровӗ, ҫавӑн пекех республикӑри адвокат палати хушшинчи килӗшӳсене алӑ пуснӑ.

Ҫав хушӑрах фондӑн хĕрÿ линийӗ ҫине кулленех ыйтусем – йӑлари ыйтусенчен пуҫласа юридика консультацисем таран -чылай килет. Боецсене физкультурӑпа реабилитаци тӑвас, ҫавӑн пекех вӗсене ӗҫпе тивӗҫтерес ӗҫ хастар пырать. Сӑмах СВО ветеранӗсене вӗрентесси, урăх ĕçе вĕренесси, квалификацине ÿстересси ҫинчен пырать.

Экспертсем палӑртнӑ тӑрӑх, тӗп тӗллев – СВО ветеранӗсене, ҫавӑн пекех вӗсен ҫемйисен членӗсене пулӑшу памалли майсем ҫинчен пӗлтересси. Демобилизаципе килнӗ ҫынсем кирек хӑш самантра та пулӑшу ыйтма тата ӑна оперативлӑ илме пултарнине пӗлччӗр.

https://mgazeta.com/news/novosti/2023-06-20/uchastniki-svo-mogut-obratitsya-v-fond-zaschitniki-otechestva-bashkirii-za-yuridicheskoy-pomoschyu-3307020