Пирӗн ҫав хӑрушӑ куна манмалла мар

Çирĕклĕри ял клубӗпе библиотекинче Астăвăмпа хурлӑх кунĕ умĕн "Пирӗн ҫав хӑрушӑ куна манмалла мар" патриотла сехет иртнӗ. Библиотекарь ачасене 1941 ҫулхи ҫӗртме уйӑхӗн 22-мӗшӗнче Аслӑ Отечественнӑй вӑрҫӑн пуҫламӑшӗнчи пӗрремӗш сехетсем ҫинчен каласа панă. Пирӗн халӑх нимӗҫ фашисчӗсемпе ҫапӑҫса хӑйӗн ҫӗршывне мӗнле хакпа тата мӗнле ҫухатусемпе сыхласа хӑварни ҫинчен аса илтернӗ. Ял клуб специалисчӗ фронтра та, тӑшман тылӗнче те ҫапӑҫнӑ ачасем ҫинчен, ҫавӑн пекех тӑван ҫӗршыв ирӗклӗхӗпе никама пӑхӑнманлӑхӗшӗн ҫапӑҫнӑ ентешсен паттӑрлӑхӗ ҫинчен каласа панă. Унтан ачасем пуçне хунисене шӑплӑх минучӗпе асăннă.

Сăнÿкерчĕкĕсем: Çирĕклĕри ял клубӗн социаллă сетьри страницинчен.
https://vk.com/club135580128