Радий Хабиров Пушкӑртра Ҫӗнтерĕве ҫывхартнисене асра тытни ҫинчен каласа панă

Пушкӑрт Пуҫлӑхӗ Радий Хабиров хӑйӗн телеграм-каналӗнче Тӑван çӗршывӑн Аслӑ вӑрҫи вӑхӑтӗнчи архив ӳкерчӗкӗсене пичетлесе кӑларнӑ.

"Ҫак ӳкерчӗксем ҫинче – пирӗн пулас Геройсем Минигали Шаймуратовпа Тагир Кусимов. Вӗсене вӑрҫӑ пуҫламӑшӗнче, фронта ӑсатас умӗн ӳкерсе илнӗ. Легендарлӑ 112-мӗш Пушкӑрт Дивизийӗн воинӗсемпе пӗрле ытти ҫулсенчи кадрсем те пур. Вӗсем пурте - Пушкӑртстанри Наци архивӗнчен", - тесе ҫырнӑ вӑл.
Радий Хабиров Пушкӑртстанра иртнисене питӗ хисепленине, пирӗн паттӑр асаттесем ҫинчен асра тытма пурне те тунине, хальхи вӑхӑтра хӑш-пӗр ҫӗршывсем историе урăхлатса ҫырса илнӗ чухне уйрӑмах пӗлтерӗшлине палӑртнӑ.
"Тавтапуç сăнÿкерчĕкĕсене, ҫырӑвӗсене тата тӗрлӗ тапхӑрти ытти документсене тӳлевсӗр паракан ҫынсене, ҫав пуянлӑха хаклакан архив ӗҫченӗсене. Паян пирӗн ҫӗршывра - Астăвăмпа хурлӑх кунӗ. Аслӑ Отечественнӑй вӑрҫӑ пуҫланнӑ кун. Ҫапӑҫура та, тылра та Ҫӗнтерӗве ҫывхартнисене, фронтран таврӑнманнисене пурне те астӑватпӑр. Геройсене ӗмӗр - ӗмӗрех асра тытмалла", - палӑртнă Радий Хабиров.

https://www.bashinform.ru/news/social/2023-06-22/radiy-habirov-rasskazal-kak-v-bashkirii-hranyat-pamyat-o-teh-kto-priblizhal-pobedu-3309334

Сăнÿкерчĕкĕ: Радий Хабировăн телеграм-каналĕнчен.