Пушкӑртстанри чрезвычайлӑ лару-тӑру енӗпе ӗҫлекен Патшалӑх Комитечӗн председателӗ Гумеров республикӑра пурӑнакансене васкавлă чӗнсе каланӑ

Гумеров Пушкӑрт ҫыннисене тискер пляжсенче шыва кӗресрен сыхланма ыйтнă. Ӗҫ акӑ мӗнре: канмалли икӗ кун хушшинче республикӑри юханшывсемпе шыв-шурсенче шыва кӗнӗ чухне тӑхӑр ҫын путса вилнӗ. Ҫулталӑк пуҫламӑшӗнчен пуҫласа шывра путнисен шучӗ 84 ҫитнӗ. Трагеди ҫичӗ ача шывра вилни пачах та нăкăрах хăратать.

Фарит Гумеров республикӑри юханшывсемпе шыв-шурсем ҫинче вилнин статистикинчен нумайӑшӗ шывра 16.00 сехетрен пуҫласа 21.00 сехетчен пулса иртни паллă тесе палӑртнӑ. Путнисен 80% ытларахăшĕ шыва кӗрес умӗн алкогольпе усӑ курнӑ. Вилнисен 100% пурте ҫак тӗллевпе йӗркелемен вырӑнсенче шыва кӗнӗ. Кашни иккӗмӗш путса вилнин ҫул ҫитмен ачисем юлнă. Гумеров палламан тата шыва кĕме юраман вырӑнсенче шыва кӗме чарӑнма ыйтнă, мӗншӗн тесен унта шыв айӗнчи вӑйлӑ юхӑмсем, шыв авӑрӗсем, тымарсем, тарӑн вырӑнсем, сивӗ ҫӑлсем пулма пултараҫҫӗ.

Паллӑ мар рельефлӑ вырӑнсенче чӑмма кирлӗ мар: чулсем ҫине пырса ҫапӑнма е шӗвӗр япаласем ҫине пырса тӑрӑнма пулать. Ҫырантан инҫете ишсе ан кайӑр, юханшыв урлӑ е шыв урлӑ ишсе каҫма ан тӑрӑшӑр, хӑвӑр вӑй-халӑра, майсене ытлашши ан хаклӑр. Шыва кӗме ятарласа хатӗрленӗ пляжсем кӑна суйлӑр!

ЧС Комитечӗн председателӗ шыври ача-пӑча трагедийӗсен 20 проценчӗ вӗсем шыва кӗнӗ чухне ачасемпе юнашар пулнӑ ашшӗ-амӑшӗсем сăнаманни, 80% — ачасем пысӑккисемсӗр шыв-шур патне кайсан пулнине палӑртнӑ.

https://mgazeta.com/news/novosti/2023-07-10/predsedatel-goskomiteta-bashkortostana-po-chrezvychaynym-situatsiyam-farit-gumerov-ekstrenno-obratilsya-k-zhitelyam-respubliki-3334078