Раҫҫей Президенчӗ Уфара иртекен Пӗтӗм тӗнчери сурдлимпиецсен "Мы вместе. Спорт" Ҫуллахи вӑййисене хутшӑнакансене саламланă

Владимир Путин Уфара иртекен "Мы вместе. Спорт" Пĕтĕм тӗнчери сурдлимпиецсен Ҫуллахи вӑййисене хутшӑнакансене саламланă. Тивӗҫлӗ телеграммӑна Кремль сайчӗ пичетлесе кӑларнӑ.

– Сире саламлатӑп тата Пушкӑртстанӑн тӗп хулинче "Мы вместе. Спорт" Ҫуллахи сурдлимпиецсен вӑййисем" Пĕтӗм тӗнчери спорт ӑмӑртӑвӗсене уҫнӑ ятпа саламлатӑп.

Сывлӑх тӗлӗшӗнчен хавшакрах ҫынсене тулли пурнăçпа пурăнма условисем туса парасси – пирӗн обществӑлла пӗлтерӗшлӗ приоритетсенчен пӗри. Кунта пур ҫул-йӗр те, ҫав шутра спортпа аппаланма май пурри те пӗлтерӗшлӗ. Юлашки ҫулсенче ҫӗршывӑн пур регионӗнче те тренировкӑсем ирттермелли инфратытӑм йӗркеленсе лайӑхланать, тӗрлӗ ӑмӑртусемпе турнирсем йӗркеленеҫҫӗ, вӗсен хушшинче кӑҫалхи "Мы вместе. Спорт" сурдлимпиецсен ҫуллахи вӑййисем пек мероприятисем пысӑк вырӑн йышӑнаҫҫӗ.

Ӑмӑртӑва хутшӑнакансем хӑйсен ӑсталӑхне, характерне, ирӗкне кӑтартасса, вӗсен ҫитӗнӗвӗсем ыттисемшӗн хавхалантаракан тӗслӗх пулса тӑрасса, тӗрлӗ ҫулсенчи ҫынсене хӑйсене, хӑйсен вӑйне тата майӗсене ӗненме пулӑшасса шанатӑп. Паллах ӗнтӗ, атлетсен тренерӗсемпе наставникӗсене, воспитанниксене професси тата пурнӑҫ опытне пӗр шеллемесӗр валеҫекенскерсене, вӗсене кӗрешме тата ҫӗнтерме вӗрентекенсене уйрӑм тав сӑмахӗсем. Сире ырӑ сунатӑп, — палӑртнă Владимир Путин.

Сăнÿкерчĕкĕ: http:/ kremlin.ru/

https://mgazeta.com/news/novosti/2023-07-23/prezident-rossii-poprivetstvoval-uchastnikov-mezhdunarodnyh-letnih-igry-surdlimpiytsev-my-vmeste-sport-kotorye-prohodyat-v-ufe-335194