"Башкортостан" доброволецсен полкĕн боецсем малти линие кайма хатӗр

"Башинформ" журналисчĕ Эдуард Кускарбеков полкри вӗренӳ базинче пулнӑ. Ҫар ҫыннисен кунӗсенче пĕр минут та пушă мар: ÿт-пÿ, тактика, вут-хĕм хатӗрленĕвĕ, пӗрремӗш пулӑшу памалли хӑнӑхусем, теори никӗсӗ – пулас хутшӑнусене кун хыҫҫӑн кун тӗпчесе вӗренни.
Ахмет Давлетов ячӗллӗ медицина роти вӗренӳ полигонӗнче тӑрать. Боецсем хушшинче - Мечетлĕ районӗнчи ПР тава тивӗҫлӗ врачĕ пур. "Дед" позывнойлă хӑй мӗн курни-илтни ҫинчен каласа панă. Вӑл каланӑ тӑрӑх, анестезиологӑн 30 ҫулхи опычӗ малти линире питӗ кирлӗ.

"Деда" приемнӑй-сортировочнӑй взвод командирӗ тунӑ. Вӑл ертсе пынипе медиксем аманнисене эвакуацилеҫҫӗ. Взводра хирургсем, анестезиологсем, фельдшерсем, медсестрасем, санитарсем. Взвод хальхи вӑхӑтра ҫапӑҫу условийӗсенче ӗҫсем туса пырать.

Медсестра-анестезиолог "Дельта" позывнойпе хӑй кадрти ҫар ҫыннисен ҫемйинчен пулни ҫинчен пӗлтернӗ. Хӗрарӑм ҫарта служит тунӑ, 90-мӗш ҫулта Яков Алксис ячӗллӗ Ригăри ҫар авиацийӗн аслӑ инженери училищинче медсестра пулнӑ.

– Чӗре чӗннипе контракт ҫине алӑ пусрӑм. Эпӗ халӗ ҫапӑҫакан ачасене пулӑшма пултаратӑп, - тенӗ вӑл.

Тагир Кусимов генерал ячӗллĕ батальонри "Баркас" позывнойлă боец та хӑй мӗн курни-илтни ҫинчен каласа панă:

– Манăн нихҫан та служит тума тӳр килмен, анчах пăлханмастăп. Пире лайӑх хатӗрлеҫҫӗ.

Пӗтӗмӗшпе илсен, доброволецсем пурте хӑйсен ÿпкелешĕвĕсемпе асӑрхаттарӑвӗсем ҫукки ҫинчен пӗлтернӗ. Апат-ҫимӗҫ, обмундировани тата хӗҫпӑшал тӗлӗшпе йывӑрлӑхсем ҫук. Вӗсем каланӑ тӑрӑх, ҫапӑҫури пӗрлешӳ штатри йӗркепе иртет.
https://mgazeta.com/news/novosti/2023-08-03/boytsy-dobrovolcheskogo-polka-bashkortostan-gotovy-otpravitsya-na-peredovuyu-3371879