"Нацин чӑн-чӑн лидерӗ тата ӑслӑ политик": Пушкӑртстан Пуҫлӑхӗ Владимир Путина ҫуралнӑ кун ячӗпе саламланӑ

Пушкӑртстан Пуҫлӑхӗ хӑйӗн телеграм-каналĕнче Владимир Путина саламланине пичетлесе кӑларнӑ. Паян, октябрӗн 7-мӗшӗнче, патшалӑх Пуҫлӑхӗ 71 çулне паллӑ тӑвать. Радий Хабиров Раҫҫей Президенчӗ "нацин чӑн-чӑн лидерӗ тата ӑслӑ политик, ун тавра паянхи ансат мар вӑхӑтра пирӗн ҫӗршыври пур халӑхсем те пӗрлешнӗ", - тесе палӑртнӑ.

"Патшалӑх Пуҫлӑхӗ Раҫҫейри кашни региона хисеплет. Пурӑнакансен интересӗсемпе ыйтӑвӗсене те. Эпир те Пушкӑртстана аталантарма пулӑшнӑшӑн тав тӑватпӑр. Ҫитменнине тата ҫул-йӗр спектрӗпе. Тӗслӗхрен, шкулсене юсамалли президент программипе кӑна эпир икӗ ҫул хушшинче 140 вӗренӳ заведенийӗн ҫуртне юсарӑмӑр. Тӗрӗссипе, регион вӗренӳ тытӑмне аталантарма ҫӗнӗ импульс панӑ. Президент экономикӑпа социаллӑ сферӑра пирӗн ытти пуҫарусене те пулӑшать. Владимир Владимирович "Пушкӑртстан Раҫҫейăн пурнӑҫĕнче, историнче тата кун-ҫулӗнче яланах уйрӑм пӗлтерӗшлӗ вырӑн йышӑнса тӑнине пӗрре мар асӑрханӑ. Раҫҫей йышне кӗрсен пушкӑрт ҫыннисем ҫӗршывӑн тулашри чиккисене хӳтӗлемелли пысӑк миссие хӑйсем ҫине илнӗ. Пирӗн пиншер салтак паян та Тӑван çӗршыва, унта пурӑнакансене ятарлӑ ҫар операцийӗнче хӳтӗлеҫҫӗ. Эпир лартнӑ задачӑсене вӗсем тивӗҫлипе пурнӑҫласса шанатпӑр. Пушкӑртстан яланах ҫӗршывӑн тӗрек регионӗ пулнӑ, малашне те ҫирӗп регион пулса тӑрӗ. Эпир, республикӑра пурӑнакансем, Тӑван çӗршыв ырлӑхӗшӗн тата аталанӑвӗшӗн яваплӑ ӗҫлетпӗр. Паллах, Раҫҫей Президенчӗ пирӗн умра лартакан тӗллевсене пурнӑҫлӑпӑр", - тесе ҫырнӑ Пушкӑрт Пуҫлӑхӗ.
Сӑнӳкерчӗкĕ: Олег Яровиков.

https://www.bashinform.ru/news/politics/2023-10-07/nastoyaschiy-lider-natsii-i-mudryy-politik-glava-bashkirii-pozdravil-vladimira-putina-s-dnem-rozhdeniya-3470092