ППМИ пулăшнипе ялти çула ункайланă

Кӑҫал ППМИ проектне хутшӑннине пула Пишпÿлек ял советĕнчи Алексеевка ялĕнче ҫул хывма май килнӗ. Ӗҫ хӗрсе пынă, ял ҫыннисем процеса сӑнанă. Пулас ҫулшӑн савӑнни палӑрса тӑнă, мӗншӗн тесен иртсе çÿреме çулĕ начарччӗ-ҫке-ха.

ППМИ тӗп тӗллевӗ — вырӑнти пуҫарусене пурнӑҫлакан ҫивӗч ыйтусене тупса палӑртнинче, унăн тӗп пайӗ республика бюджечӗн шучӗпе, ытти пайĕ район бюджечӗн, халӑхӑн тата спонсорсен укҫи-тенки шучӗпе пурнăçланать.

Кӑҫалхи ҫуркунне Алексеевкӑна кӗрсе тухма питĕ хĕн пулнă.

Анчах ППМИне пула халӗ ҫул лайӑхрах, тӳрĕмрех пулса тӑнă. Халӗ автомобильсемпе ытти техникăпа çÿреме ҫумӑрлӑ кунсенче те хӑрамалла мар, ун тӑрӑх лӑпкӑн ҫӳреме юрать. Ҫул хуни ял тулашӗнчи, эстетика сӑн-сӑпатне лайӑхлатма, ялти пурнӑҫ шайне ӳстерме, кану условийӗсене лайӑхлатма, поселенин вырӑнти пӗлтерӗшлӗ ҫул-йӗрӗн техника шайне ӳстерме май панă.

Ҫул тунине пула Алексеевка ялӗнче пурӑнакансене тĕрлĕ транспортпа çÿреме ансатрах пулса тӑнă. Ачасем савӑнсах велосипедпа ярӑнма, ҫамрӑк ҫемьесем ачасемпе пӗрле коляскӑпа лӑпкӑн ҫӳреме пултараҫҫӗ.

Малашне ҫул тытӑмне кирлӗ пек упраса хӑвармалла, çак ҫитӗнӳсемпе кăна чарӑнса тӑмалла мар.

#ППМИ2023 

#деревняАлексеевка 

#БижбулякскийРайон

Сăнÿкерчĕкĕсем: Пишпÿлек ял совечĕн социаллă сетьри страницинчен.

https://vk.com/sp_bizh