Салтак тӑнӑ, аллине автомат тытнă

Пирӗн ентеш Тӑван çӗршыва чыслӑ та паттӑррӑн хӳтӗлет.
"Бугор" позывнойлă 39 ҫулти боец пӗлтӗрхи июнь уйӑхӗнчен пуҫласа СВОри тивӗҫтерÿ ротинче службăра тăрать. Боец амӑшӗ Надежда Евгеньевна каласа панӑ тӑрӑх, вӑл Владивостокра, тинӗс пехотинче службӑра тӑнӑ. РФ Оборона министерствипе контракт ҫине алӑ пуснӑ та унта службӑра тӑрса юлнӑ. 2023 ҫулхи декабрь уйӑхӗнче пенсие тухмалла пулнă, анчах ҫар ҫыннисем приказпа пурӑнаҫҫӗ: Тӑван çӗршыв "кирлӗ" терӗ пулсан, вӗсем ӑна хӳтӗлеме тӑраҫҫӗ.
Кинӗ ашшӗ-амӑшне хумхантарасшӑн пулман, упӑшки СВОна кайни ҫинчен çийĕнчех пӗлтермен.
— Кашни ҫул ҫемйипе отпуска килетчĕç, пӗлтӗр килмерӗç. Мана вӑл Украинӑна кайни ҫинчен малтан пӗлтермерӗҫ. Ҫемьере вӑл тӑватӑ ачаран виҫҫӗмӗшӗ.
Амӑшӗ юлашки вӑхӑтра ывӑлӗ ҫыхӑнăва сайра тухни пирки пӑшӑрхантарать, анчах лайăх ăнланать: салтак май пур чухне тӳрех ҫырать. Мĕнпур тăванĕсем салтак ҫӗнтерӳпе таврӑнасса кӗтеҫҫӗ.
Галина ВАРИКОВА.
Сӑнӳкерчӗкĕ: ҫемье архивӗнчен.

Эсир ҫар службине контрактпа кайма е доброволецсен отрядне ҫырӑнма - ятарлӑ ҫар операцине хутшӑнма пултаратӑр. Ҫакна тума эсир военкомата пырса ҫар служби иртни ҫинчен е доброволецсен отрядне кӗме контракт тума хатӗрри ҫинчен пӗлтерме пултаратӑр. Военкомата кайма меллӗ вырӑн суйласа илĕр тата "Госуслуги" сервис урлă та çырăнма пулать.
Контракт тăвас ыйтусемпе республикӑра пурӑнакансем пӗрлехи справка номерӗпе 177, Лару-тӑру центрне 122 е 7 (347) 218-19-19, е "Манӑн документсем" МФЦ ҫывӑхри офисĕпе усӑ курма пултараҫҫӗ.
Аса илтеретпӗр, кӑҫал октябрь уйӑхӗнче Пушкӑртстан Пуҫлӑхӗ Радий Хабиров ҫар службине иртекен граждансен уйрӑм категорийӗсене социаллӑ пулӑшу памалли хушма майсем ҫинчен указа алӑ пуснӑ. Документпа килӗшӳллӗн, мобилизаци енӗпе чӗнсе илнӗ е ҫар службине чӗнсе илнӗ граждансем, 2023 ҫулхи ноябрӗн 10-мӗшӗ хыҫҫӑн контракт тусан 100 пин тенкӗ хушма тӳлев илӗҫ.