Пушкӑртстан Пуҫлӑхӗ Радий Хабиров Раҫҫей Президенчӗн ҫырӑвне комментари панă

Пушкӑртстан Пуҫлӑхӗ Радий Хабиров Раҫҫей Президенчӗн ҫырӑвӗ – аталану ҫырӑвӗ тесе шутлать.
"Апла пулин те, пирӗн ҫӗршыв аталанать, малалла пырать. Ку социаллӑ ҫыру. Ӑна ҫынсем лайӑхрах пурӑнччӑр тесе тунӑ. Ку чи кирли. Ҫӗнӗ наци проекчӗсем - "Ҫемье", "Ҫамрӑксем", "Кадрсем", "Наципе технологи проекчӗсем" йĕркеленеççĕ. Вӗсем пурте ҫынсен пурнӑҫӗ лайӑхрах пултӑр тесе тӑрӑшаҫҫӗ. Ҫав хушӑрах Президентӑн кашни сӗнӗвне укҫа-тенкӗпе тивӗҫтернӗ, ҫакӑ вӗсене активлӑ та уҫӑмлӑ пурнӑҫлама май парать.
Уйрӑмлӑхсем ҫинчен калас пулсан - сывлӑх сыхлавне, шкулсене, аслӑ шкулсене ҫӗнетмелли программӑсем пур. Эпир тахҫанах ача сачӗсен кивӗ ҫурчӗсенче, студентсен общежитийӗсенче, шкулсемпе колледжсенче, вӗренӳ корпусӗсенче йӗрке тума ыйтнӑччӗ", - палӑртнă Радий Хабиров.
Республика Пуҫлӑхӗ регионсене инвестицисене явӑҫтармалли промышленноҫпа мотивацие пулӑшмалли мерӑсене пысӑклатни пӗлтерӗшлӗ тесе шутлать.
"Халӗ регионти командӑсен задачи - ҫак программӑсемпе усӑ курасси. Пире регионта инвестици калӑпӑшне кашни хут ӳстермешкӗн питӗ хытӑ параметрсем тата питӗ пысӑк процентсем лартрӗҫ. Ӗҫлӗпӗр. Çĕкленÿллĕ кӑмӑл-туйӑмпа киле каятпӑр", - пӗтӗмлетнӗ Радий Хабиров.

https://www.bashinform.ru/news/politics/2024-02-29/radiy-habirov-oboznachil-samye-vazhnye-momenty-poslaniya-prezidenta-rossii-3663925