Уфари 98 ҫулти ветеран Мускаври Ҫӗнтерӳ парадне хутшӑнать

Уфара пурăнакан Тӑван çӗршывӑн Аслӑ вӑрҫин 98 ҫулти ветеранӗ Родион Лобанов Хӗрлӗ площадьре Ҫӗнтерӳ парадне хутшӑнать. Кун пирки хӑйӗн телеграм-каналӗнче Уфан Киров район администрацийӗн пуҫлӑхӗ Илвир Нурдавлятов пӗлтернӗ.
"Родион Григорьевич — чӑн-чӑн герой. Паттӑрлӑхпа хастарлăх кӑтартнӑшӑн ӑна Отечественнӑй вӑрҫӑ орденӗпе, "Ленинграда хӳтӗленӗшӗн", "1941-1945 ҫулсенче Германие Тӑван çӗршывӑн Аслӑ вӑрҫинче ҫӗнтернӗшӗн" медальсемпе наградӑланӑ. Ветеранӑн тата юбилей медалӗсем те нумай. Кӑҫал Ҫӗнтерӳ кунне вӑл Мускавра Ҫӗнтерӳ парадӗнче кӗтсе илӗ, унта пӗтӗм ҫӗршыври ҫӗршер ветерана чӗннӗ. Чӑтӑмлӑхшӑн, паттӑрлӑхшӑн, пархатарлӑхшӑн ветерансене пурне те пуҫ тайса тав тӑватпăр! - каласа панă вӑл.

https://www.bashinform.ru/news/social/2024-05-07/98-letniy-veteran-iz-ufy-primet-uchastie-na-parade-pobedy-v-moskve-3757395