Çирĕклĕ клубӗнче Раҫҫей кунне паллӑ тунă

Июнӗн 12-мӗшӗнче пирӗн аслӑ ҫӗршыв патшалӑхӑн паллӑ уявне - Раҫҫей кунне - паллӑ тӑвать. Ку вӑл - ирӗклӗх, граждан тӗнчи тата саккун тӗрӗслӗх никӗсӗ ҫинчи пур ҫыннăн та ырӑ килӗшӳ праҫникӗ.
Ҫак кун Çирĕклĕри ял клубӗнче "Русь, Раççей, Тӑван çӗршывӑм..." тематика программи иртнӗ. Мероприяти пуҫламӑшӗнче Раҫҫей, Тӑван çӗршыв ҫинчен ҫырнӑ сӑвӑсемпе юрӑсем янӑранă.
Ачасем уяв историне пӗлнĕ, "Тӑван çӗршыв" сӑмаха мӗнле ӑнланни ҫинчен шухӑшланă, викторина ыйтӑвӗсене хуравланă. Малалла тематика пайӗсем тунă.
Ачасем ҫапла шут тытнă: Тӑван çӗршыва юратни — кашни ҫыншӑн чи пӗлтерӗшлӗ туйӑм.
Сăнÿкерчĕкĕсем: Çирĕклĕри ял клубӗн социаллă сетьри страницинчен.
https://vk.com/event135580128