Пушкӑртра СВОна хутшăнакансене тата гумконвой водителӗсене патшалăх наградисем панӑ

Чаплӑ церемони республика Правительствин ҫуртӗнче иртнӗ.

Пушкӑртстан Пуҫлӑхӗ Радий Хабиров Пушкӑртстанри патшалӑх наградисене регионти ятарлӑ ҫар операцине хутшӑнакансене кӗске вӑхӑтлӑха отпуска килнисене, ҫавӑн пекех гуманитари конвойӗсен водителӗсене панӑ. Шаймуратов генералӑн орденӗсемпе медалӗсене 28 ҫын тивӗҫнӗ.

Хӑйӗн сӑмахӗнче Радий Хабиров ҫар ҫыннисене ҫӗршыв президенчӗн тата республикӑра пурӑнакансен ячӗпе пурне те вӗсен тӳрӗ службăшăн, паттӑрла ӗҫӗсемшӗн тата паттӑрлӑхшăн тав тунӑ. Вӑл Пушкӑртстанри чи лайӑх ҫынсем халӗ малти линире пулнине, республика вӗсемпе мăнаçланнине, ҫавӑн пекех вӗсен ҫемйисене пур майсемпе те пулӑшассине палӑртнӑ.

Регион пуҫлӑхӗ вилнӗ геройсене асӑннӑ, вӗсен паттӑрлӑхӗ, ҫирӗплӗхӗ тата присяга парӑнни ҫынсен чӗринче ӗмӗрлӗхех юлассине палӑртнӑ. Церемони пынӑ май Радий Хабиров наградӑланӑ хӑш-пӗр ҫар служащисем ҫинчен каласа панă, вӗсен паттӑрла ӗҫӗсене палӑртнă.

Радий Хабиров гуманитари çăкĕсене ятарлӑ ҫар операци иртекен зонӑна темиҫе хут та хутшӑннӑ водительсене тав тунă, кашни колонна пӗтӗмӗшле ҫӗнтерӳшӗн пысӑк тӳпе пулнине палӑртнă. Юлашкинчен регион пуҫлӑхӗ пурне те ҫирӗплӗх, хастарлӑх тата хӑвӑртрах киле чӗрĕ те тӗрӗс-тӗкел таврӑнма суннă.

Сăнÿкерчĕкĕ: ПР Пуҫлӑхӗн пресс-служби.

https://mgazeta.com/articles/SVO/2024-07-16/v-bashkirii-vruchili-gosnagrady-uchastnikam-svo-i-voditelyam-gumkonvoev-3851081