Пишпÿлек районӗнче ятарлӑ ҫар операцине хутшӑннă икӗ ҫынпа сывпуллашнă. 2024 ҫулхи июлӗн 22-мӗшӗнче, боецсемпе сывпуллашу церемонийӗсем иртнӗ.
Мелевĕспуç ялӗнче ҫуралса ӳснӗ Андрей Иванович Иванов тата Каныкай ялӗнче ҫуралса ӳснӗ Ильгам Фанзилович Касимов ҫар присягине вӗҫне ҫитичченех шанчӑклӑ юлнӑ. Хӑйсен сывлӑхӗпе пурнӑҫне шеллемесĕр, вӗсем Тӑван çӗршыва хӳтӗлеме решении йышӑннă. Ку чӑн-чӑн патриотсен ӗҫӗ. Боецсем хӑйсен гражданла тата ҫар тивӗҫне чыслӑ пурнӑҫланă. Андрей Ивановпа Ильгам Касимовăн ҫемйисемпе, тӑванӗсемпе ҫывӑх ҫыннисемпе пĕрле чĕререн хурланнине пĕлтеретпĕр.
Андрей Иванова Паттӑрлӑх орденӗпе вилнĕ хыççăн наградӑланӑ. Геройсене ӗмӗр-ӗмӗр мухтав, ӗмӗр-ӗмӗр ҫутӑ астăвăм!
Сăнÿкерчĕкĕсем: Пишпÿлек район администрацин социаллă сетьри страницинчен.