Тӑван ҫӗршыв шӑпишĕн тăрăшакансем

Пирӗн район илемлӗрех, илӗртӳллӗрех пултӑр тесен, пӗрле вӑй хумалла тесе шутлать Пишпÿлекре пурăнакан Ринат Гареев.

Пушкӑртра виҫӗ ҫул ытла "Атайсал" проект пурнӑҫланать. Ӑна регион Пуҫлӑхӗ Радий Хабиров пуҫарнӑ. Проект хамӑр ентешӗмӗрсене ялсенчен тухакан ӑнӑҫлӑ çынсем пулӑшма тĕллев лартать.

Кашни ҫыннӑн чӗрине уйрӑмах ҫывӑх вырӑн пур — вӑл унӑн пӗчӗк тӑван ҫӗршывӗ. "Атайсал" проектӑн тӗллевӗ пӗр шухӑшлӑ ҫынсене, тӑван вырӑнсен пурнӑҫӗпе аталанӑвне кӑмӑллакан ҫынсене, тӗрлӗ программӑсемпе проектсене пурнӑҫлама, ҫавӑн пекех ял ҫыннисем явӑҫтаракан нумай ыйтусене татса пама: ял мечечӗсене, храмсене, спорт тата ача-пӑча площадкисене юсама, пулӑшу тата музейсен, парксен, кану зонине, спортпа музыкăллӑ мероприятисене ирттересси, ачасене патриотла воспитани парасси тата ытти те. Ҫакӑн пек проектсенчен кашнинчех тӑван ҫӗршыв шӑпине хутшӑнакан ҫынсем тӑраҫҫӗ. "Атайсал" йӗркеленнӗренпе ырӑ ӗҫсем тӑвакан ҫынсем ҫинчен каласа пама май тупӑннă.

Пишпÿлек РайПО председателӗ Ринат Гареев ун пек ҫынсенчен пӗри. Районти мероприятисене йӗркеленӗ чухне вӑл пысӑк пулӑшу парать. Ринат Рафисович ертсе пынипе Пишпÿлек районӗнчи потребитель обществи час-часах спорт мероприятийӗсене йĕркелет. Тӗслӗхрен, "РайПО кубокӗ" мини-футболпа ӑмӑртни, унта пирӗн республикӑри ытти районсемпе хуласенчи командӑсем те хутшӑнаҫҫӗ. Пишпÿлекри РайПО Акатуй йышши районти массӑллă культура мероприятийӗсене ирттернӗ чухне финанс пулӑшӑвӗ парать.

Потребитель кооперативӗ, ӗлӗк лавкка пулнӑ çурта парса, Разаевка ялӗнче пурӑнакансемшӗн ырӑ ӗҫ тунӑ. Часах Касым ялӗнче те лавкка ҫуртне мечĕт валли пама палӑртнӑ. Ҫулталӑк каялла Аитри вӑтам шкулта РайПО пулӑшнипе Пишпÿлек район администрацийӗ Пушкӑрт кооператив институчӗпе Пушкӑрт кооператив техникумĕн ӗҫлĕ шайӗнче коопераци класӗ уҫӑлнă. Кӑҫал кооператив класӗнче вӗренекенсем коопераци класӗ пӗтерни ҫинчен сертификатсем илнĕ. Вӗсенчен тӑхӑр вĕренсе тухакан РайПО шучӗпе коопертив техникумне тӳлевсӗр вӗренме кӗрет.

— Эпир пĕчĕк тӑван ҫӗршыва пулӑшмасан, кам пулăштăр? Пишпÿлек районӗнчен тухса кайма нихҫан та планламан. Кунта пурӑнатпӑр пулсан, пирӗн район илемлӗрех, илӗртӳллӗрех пултӑр, пурӑнакансене пурӑнма ҫӑмӑлтарах пултӑр, ҫамрӑксем ялта юлччӑр тесе пӗтӗм вӑя хумалла. Ӗҫлесен, тӑрӑшсан, кунта та лайӑх ӗҫлесе илме пулать, — палӑртать Ринат Рафисович.

Сӑмах май, районти потребитель обществин ячӗпе ҫеҫ мар, Ринат Рафисович хӑй те ырӑ ӗҫсем тӑвать. Тӗслӗхрен, вӗсен мӑшӑрӗпе иккĕшин пӗчӗк ырӑ йӑла пур: кашни Ҫӗнӗ ҫула вӗсем ваттисен çуртне парнесемпе ҫӳреҫҫӗ, ват çынсене савӑнтарма каяҫҫӗ.

Пушкӑрт Республикин Пуҫлӑхӗ Радий Хабиров проекта хӑйӗн энергийӗпе хавхалантарнине пула "Атайсал" тӗнчери масштаблă проект пулса тăнă, пысӑк чапа тухнӑ.

"Пирӗн ӑнӑҫлӑ ҫынсем — пӗчӗк ялсенчен е хуласенчен тухнисем питӗ нумай. Вӗсенчен кашниех-хӑйсен кӗҫӗн тӑван ҫӗршывне пĕрер пулӑшу парсан, ку пурнӑҫа вырӑнтах улӑштарӗ. Пӗлетӗп, предпринимательсемпе ытти ялсенчен тухакансем ахаль те пулӑшаҫҫӗ, анчах эпир ку ӗҫе тӑтӑшах йӗркелесшӗн. Ҫак тӗллевпе эпир "Атайсал" проекта хута ятăмăр. Ҫак ӗмӗт тӑван ялсене, хуласене, шкулсене, ача сачӗсене, спорт секцийӗсене пулӑшакан ҫынсемшӗн хӑтлӑрах условисем йӗркелеме тӑрӑшни", — палӑртнӑ Пушкӑрт Пуҫлӑхӗ Радий Хабиров.

Неля САБАХОВА.

Сӑнӳкерчӗкӗ: Неля Сабахова.