Путин Мантуровпа чикӗри ҫынсене пулӑшу памаллине сӳтсе явнă

#владимирпутин

Путин Украинӑпа чикӗ хӗрринчи регионсенчи ҫынсене пулӑшу парассине Мантуровпа сӳтсе явнă.

Раҫҫей Президенчӗ Владимир Путин РФ пӗрремӗш вице-премьерӗпе Денис Мантуровпа Украинăпа чикӗ хӗрринчи регионсенчи ҫынсене пулӑшу памалли хӑш-пӗр ыйтусене сӳтсе явни ҫинчен пӗлтернӗ.

"Эпир сирӗнпе хӑш-пӗр ыйтусем тӑрӑх тин ҫеҫ калаҫрӑмӑр", — тенӗ Путин чикӗ хӗрринчи облаҫсенчи лару-тӑру пирки видеоконференцин оперативлӑ канашлӑвӗнче.

Раҫҫей Президенчӗ Владимир Путин Курск облаҫӗнчи лару-тӑрӑва ӑнлантарса панӑ май Киев режимĕ черетлӗ масштаблӑ провокаци туни ҫинчен, ҫав шутра гражданла тӗллевсем тӑрӑх пӗр чарӑнмасӑр пеме тытӑнни ҫинчен пӗлтернӗ. Раҫҫей Следстви комитечӗн официаллӑ представителӗ Светлана Петренко Курск облаҫӗнчи чикӗ таврашӗнчи ҫынсене тапӑннӑ хыҫҫӑн, уйрӑммӑн илсен, терактпа вӗлерӳсем ҫинчен ӗҫсем пуҫарса яни ҫинчен пӗлтернӗ; Раҫҫей следователӗсем ҫак регионти гражданла объектсене пеме приказ панисене тата пурнӑҫланӑ Украинӑри ҫар ҫыннисем камсем пулнине тӗпчеҫҫӗ.

Курск, çавӑн пекех Белгород тата Брянск облаҫӗсенче граждансен хӑрушсӑрлӑхне тивӗҫтерес тата Украинӑри диверсиллӗ разведка формированийӗсемпе терактсене туса хурассипе хӑратас хӑрушлӑха чарса лартас тӗлӗшпе КТО режимне кĕртеççĕ.

 Сӑнӳкерчӗкĕ: http://www.kremlin.ru/events/president/news/74856/photos/77671

 https://ria.ru/20240812/putin-1965730312.html  материалĕсем тӑрӑх.