Çирĕклĕ клубĕнче Раҫҫей Федерацийӗн Патшалӑх ялавӗн кунне халалланӑ программа иртнĕ

Çирĕклĕ клубĕнче "Эпир Раҫҫей Федерацийӗн ялавӗ ҫинчен мӗн пӗлетпĕр" пӗлӳ программи иртнӗ, мероприятие августӑн 22-мӗшӗнче палӑртакан Раҫҫей Федерацийӗн Патшалӑх ялавӗн кунне халалланӑ.

Ачасем Раҫҫей ялавӗн историне, ялав тӗсӗсем мӗне пӗлтернине пӗлнӗ. РФ гимнне хорпа юрланă, мӗншӗн тесен ҫак юрӑра тӑван ҫӗршывӑн чапӗпе илемĕ çинчен юрлаҫҫӗ. Унтан ачасем, хӑйсен тавҫӑрулӑхӗпе эрудицине уçа парса, ыйтусем ҫине хуравланă, тупмалли юмахсен тупсӑмĕсене тупнă, çак темӑпа ваттисен сӑмахӗсене аса илнĕ, ҫавӑн пекех хаваслӑ эстафетӑсене хутшӑннă: "Шурӑ, кӑвак, хӗрлӗ " - командӑсене конвертсем ăшĕнче пазлсем валеҫсе панă, Раççей ялавне кам хӑвӑртрах пуҫтарать, "Ялава ÿкерсе пĕтер".

Мероприяти вӗҫӗнче ачасем пирӗн Тӑван çӗршыва юратмалла, Тӑван çӗршывпа мăнаçланмалла, унӑн историне пӗлмелле тесе пӗтӗмлетӳ тунă.

 

Сăнÿкерчĕкĕсем: Çирĕклĕ клубӗн социаллă сетьри страницинчен.